လမ်းဘေးကလေးပညာရေးနဲ့ ပတ်သက်ပြီး ကူညီနိုင်ဖို့ ကြိုးစားနေတဲ့ ပြေတီဦး

ပြေတီဦးဖောင်ဒေးရှင်းအနေနဲ့ ပညာရေးပိုင်းကို အဓိကထောက်ပံ့ပေးရတဲ့ အကြောင်းက နိုင်ငံတစ်ခုဖွံ့ဖြိုးတိုးတက်ရေးအတွက် ပညာရေးကအဓိကအရေးကြီးတာကြောင့် အခုလို ထူးချွန်းထက်မြက်ပြီး 
ကျောင်းဆက်တက်ဖို့ခက်ခဲတဲ့ ကျောင်းသားတွေကိုထောက်ပံ့တာဖြစ်တယ် လို့ ဆိုပါတယ်။ ဒါ့အပြင် လမ်းဘေးကလေးတွေပညာရေးအတွက်လည်းထောက်ပံ့ကူညီနိုင်ဖို့စီစဉ်နေတယ်လို့ ပြေတီဦးပညာရေးဖောင်ဒေးရှင်းဥက္ကဋ္ဌ အကယ်ဒမီပြေတီဦးကပြောပါတယ်။ 


“ ပြေတီဦးဖောင်ဒေးရှင်းအနေနဲ့ကတော့ ပညာရေးပိုင်းကိုပဲ ဦးစားပေးထောက်ပံ့ကူညီသွားမှာပါ။ ပညာရေးပိုင်းမှာထူးချွန်းပြီး ကျောင်းဆက်တက်ဖို့ အခက်အခဲဖြစ်နေတာမှန်ရင် ကျွန်တော်တို့တက်နိုင်သလောက်ကူညီထောက်ပံ့ပေးဖို့က အသင့်ပါ။ အခြားလူမှုရေး၊ ကယ်ဆယ်ရေး ကိစ္စတွေမှာလည်း အခြားအသင်းအဖွဲ့တွေနဲ့ပူးပေါင်းပြီနိုင်သလောက်ကူညီထောက်ပံ့ပေးမှာပါ။ အဓိကတော့ပညာရေးပေါ့။ ပညာရေးနဲ့ပတ်သက်ပြီး နောက်ထပ်ထောက်ပံ့ပေးနိုင်ဖို့ကတော့ လမ်းဘေးကလေးတွေအတွက် ပညာရေးအပိုင်းနဲ့ စာသင်ကျောင်းမရှိတဲ့ ကျေးလက်ဒေသတွေကိုပါ ကူညီထောက်ပံ့ပေးနိုင်ဖို့ ရည်ရွယ်ချက်ရှိပါတယ်။ ဒီအတွက်လည်းစီစဉ်ဆောင်ရွက်သွားမှာပါ” လို့ ပြေတီဦးဖောင်ဒေးရှင်းဥက္ကဋ္ဌ ပြေတီဦးကဆိုပါတယ်။
ပြေတီဦးပညာရေးဖောင်ဒေးရှင်း အနေနဲ့ဆေးတက္ကသိုလ်၊ သိပံ္ပနှင့်နည်းပညာတက္ကသိုလ် ၊ ဥပဒေဘာသာရပ် တွေမှာတက်ရောက်ပညာသင်ယူနေတဲ့ ကျောင်းသားကျောင်းသူ ၁၃ယောက်ကို ဖောင်ဒေးရှင်းအနေနဲ့ထောက်ပံ့သွားမှာဖြစ်ပေမယ့် ဒီနှစ်ပညာရေးအတွက်ကျောင်းသားတွေကို အရင်နှစ်ကထက် ပိုထောက်ပံ့နိုင်ဖို့ဆိုကတော့ ပြင်ပက အလှူရှင်တွေအပေါ်မှာမူတည်ပါတယ်။ ပြင်ပအလှူရှင်ဆိုတာက ငွေဘယ်လောက်လှူတယ် ဆိုတာမျိုးမဟုတ်ဘဲ အလှူရှင်တွေ ကိုယ်တိုင်းကျောင်းသားဘယ်နှစ်ယောက်ကို တိုက်ရိုက်တာဝန်ယူလှူဒါန်းတာမျိုးဖြစ်တယ်လို့ သိရပါတယ်။ 

Credit - သုတဗိုလ်(မိုမိုလေး) 
Photo – ပြေတီဦးပညာရေးဖောင်ဒေးရှင် (fb)