ဆေးလိပ်သောက်သည်ကို ပြန်တိုင်သည့်အဒေါ်အား မုဒိမ်းကျင့်သတ်ခဲ့သည့် တူဖြစ်သူကို ဖမ်းဆီး

==================
==================

ဆေးလိပ်သောက်တဲ့အတွက် အဖွားဖြစ်သူကို ပြန်တိုင်တဲ့ အဒေါ်ကို မုဒိမ်းကျင့် သတ်ဖြတ်ခဲ့တဲ့ အသက် ၁၅ နှစ်အရွယ် ဆယ်ကျော်သက် လူငယ်တဦးအား ရဲတွေက ဖမ်းဆီးနိုင်ခဲ့တယ်လို့ ထိုင်းရတ်သတင်းတပုဒ်မှာ ဇူလိုင် ၁၀ ရက်နေ့က ဖော်ပြပါတယ်။

ဒီအဖြစ်အပျက်ဟာ ထိုင်းနိုင်ငံ၊ ကမ်ဖမ်ဖက်ဒေသတွင်းမှာ ဖြစ်ခဲ့ပြီး ဒမ်လို့ အမည်ရတဲ့ အဲဒီကောင်လေးဟာ မိဘတွေ ဆုံးပါးသွားခဲ့လို့ အသက် ၈၀ အရွယ် အဖွားဖြစ်သူက ကြည့်ရှုစောင့်ရှောက်ထားခဲ့ရတာ ဖြစ်ပါတယ်။

သူဆေးလိပ်သောက်တာကို ဒေအမ်းလို့ အမည်ရတဲ့ အဒေါ်က အဖွားဖြစ်သူကို အမြဲတမ်း ပြန်တိုင်ခဲ့တဲ့အတွက် ခုလိုကျူးလွန်ခဲ့တာဖြစ်တယ်လို့ ရဲတွေကို ဒမ်က ဝန်ခံထွက်ဆိုထားပါတယ်။

သူဟာ မကြာသေးခင်က အဖွားဖြစ်သူ၊ အသက် ၆၃ နှစ်အရွယ်ရှိတဲ့ အဒေါ်ဖြစ်သူတို့နဲ့အတူ ငါးဖမ်းထွက်ခဲ့ပြီး အဖွားဖြစ်သူက အိမ်ကို အရင်ပြန်သွားချိန်မှာ ခုလို ကျူးလွန်ခဲ့တယ်လို့ ဆိုပါတယ်။

သေဆုံးသူရဲ့ပါးစပ်ကို အသံမထွက်နိုင်အောင် အဝတ်နဲ့ ဆို့ထားခဲ့ပြီး ခန္ဓာကိုယ်အောက်ပိုင်း အဝတ်တွေ ချွတ်ထားကာ အနားမှာ ပုံထားခဲ့တာကို ရဲတွေက တွေ့ခဲ့ကြတာပါ။

တူးမြောင်းတခုဘေးမှာ သေဆုံးနေခဲ့တဲ့ အဒေါ်ဖြစ်သူကို ရွာသားတွေ တွေ့ရှိခဲ့ကြချိန်မှာ ပြစ်မှုကျူးလွန်တဲ့ တရားခံကို လိုက်လံရှာဖွေဖို့ ပူးပေါင်းခဲ့ကြတာပါ။

အဲဒီလို စုံစမ်းစစ်ဆေးနေကြချိန်မှာပဲ ဒမ်ဟာ လာရောက်ကြည့်ရှုသူတဦးအနေနဲ့ ရောက်ရှိလာချိန် ရဲတွေက ချက်ချင်းဖမ်းဆီးနိုင်ခဲ့တာပါ။

သေဆုံးသူ ဒေအမ်းရဲ့ ခင်ပွန်းဖြစ်သူကတော့ ဒမ်ဟာ သူ့ဇနီးသည်ရဲ့အစ်ကို သားဖြစ်ပြီး အဖွားဖြစ်သူရဲ့ ကြည့်ရှုစောင့်ရှောက်မှုနဲ့ နေထိုင်တာဖြစ်တယ်လို့ ပြောပါတယ်။

လက်ရှိမှာတော့ ပြစ်မှုကျူးလွန်ကြောင်း ဝန်ခံထွက်ဆိုထားတဲ့ ဒမ်ကို ဖမ်းဆီးထိန်းသိမ်းထားပြီး အရေးယူဆောင်ရွက်မှုတွေ ဆက်လက်လုပ်ဆောင်သွားမှာဖြစ်တယ်လို့ သတင်းမှာ ဖော်ပြပါတယ်။

===========

DVB TV News
Credit